Albanopedia Quiz app for iPhone and iPad

Ky aplikacion është një prodhim Shqiptar. Aplikacioni është i ndërtuar në formën e një quiz-i mbi historinë e Shqiptarëve. Quizi përmban tri kategori bazë të ndara sipas periudhave të ndryshme kohore dhe të emërtuara respektivisht: "Nga Prehistoria ne Mesjetë"; "Gjergj Kastriot Skënderbeu"; dhe "Periudha Osmane dhe Lufta për Pavarësi". Numri total i pyetjeve sipas kategorive gjendet i shënuar lart në ekran. Dy nga kategoritë që janë "Nga Prehistoria në Mesjete" dhe "Periudha Osmane dhe Lufta për Pavarësi" përmajnë nga 40 pyetje secila ndërsa kategoria tjetër bazë e emërtuar "Gjergj Kastrioti Skënderbeu" përmban 20 pyetje. Çdo pyetje ka të poshtëshënuara katër përgjigje alternative ku vetëm një prej tyre është përgjigja e saktë. Qëllimi i quiz-it është gjetja e sa më shumë përgjigjeve të sakta mbi historinë Shqiptare duke treguar dhe përmirësuar aftësinë njohëse të përdoruesve në këtë fushë. Për zgjidhjen e secilës kategori përdoruesi ka në dispozicion tri mundësi gabimi pas të cilave dalin pikët e grumbulluara. Me rifillimin e kategorisë rendi i pyetjeve ndryshon. Pas zgjidhjes së një kategorie, përdoruesit i shfaqet në ekran një simbol fitoreje i veçantë sipas kategorisë. Rezultati më i mirë i mundshëm është zgjidhja e një kategorie pa bërë asnjë gabim. Quiz-i ka për qëllim argëtimin dhe informimin e përdoruesve Shqiptarë apo të atyre të cilët janë njohës të Shqipes së shkruar. Gjithashtu, në përmbajtjen e quiz-it gjenden pyetje-përgjigje të cilat shërbejnë për të njohur aspekte të historisë Shqiptare të cilat nuk janë promovuar më parë. Përgjigjet e quiz-it janë të bazuara në studime Albanologjike si ato të botuara nga Akademia e Shkencave e Shqipërisë. Përdorimi i shpështë i quiz-it shërben për të forcuar njohuritë mbi ngjarjet dhe perzonazhet e ndryshme të historisë dhe qytetërimit Shqiptar. Ky quiz shkarkohet falas dhe është i përdorshëm pa pagesë.